Менскае графіці з дзяўчынай у вышыванцы апынулася на 8 месцы сярод дзесятка лепшых прац стрыт-арту за лістапад 2015 г.
Гледзячы на выраз твару дзяўчыны на графіці, на яе белую кашулю і цемную сучасную камізэльку, ў галаве пачынаюць узнікаць радкі з песні гурта N.R.М. "Менск і Мінск".
Guido van Helten спецыялізуецца на фотарэалістычных працах. Яго карціны красуюцца на сценах шмат якіх Еўрапейскіх гарадоў (ва Ўкраіне, Даніі, Ірландыі, Ісландыі, Італіі і інш.).
Самая вялікая па плошчы яго праца ўпрыгожвае сцяну 18-ці павярховага будынка ў Кіеве, і прысвечана дзяўчыне ў вышыванцы.
У Аўстраліі мастак намаляваў графіці на 30-ці метровых вежах збожжасховішча.
