Hyper - мастак з Бразіліі. Для сваіх прац ён знаходзіць натхненне ў легендах продкаў, у іх звычаях і павазе да прыроды, сярод якой яны жылі і якая была для іх карміцелькай.
Тупі-гуарані – гэта суполка індзейскіх народаў, якія насялялі Бразілію яшчэ да пачатку еўрапейскай каланізацыі. У сучаснай Бразіліі частка тупі-гуарані працягвае весці традыцыйную земляробчую гаспадарку.
Назва графіці “Kaapora”, якое намаляваў Hyper падчас фэсту Vulica Brasil 2019 з мовы тупі-гуарані перакладаецца як “той, хто жыве ў лесе”.
Hyper заклікае памятаць пра свае карані. Ён піша на сваёй старонцы ў Instagram: “Мы ўсе кветкі ў садзе Вялікага Духу. У нас агульны корань – маці-зямля. Сад цудоўны, ў ім прысутнічаюць розныя колер – гэта розныя традыцыі і культуры. Чужыя трэба паважаць, сваі ведаць. Людзі, якія не ведаюць адкуль яны прыйшлі, ніколі не даведаюцца куды ісці”.
Продкамі бразільцаў з’яўляюцца індзейскія народы, вобразы якіх мастак адлюстроўвае ў графіці, карцінах і татуіроўках.
Каля фатаздымкаў прац на асабістай старонцы ў Instagram мастак піша цікавыя выказванні. Яны робяць больш гучнай мелодыю, якая льецца з яго карцін.
Паводле артыкулу на tut.by перад прыездам у Беларусь мастак цікавіўся колькасцю НЛА, якія былі заўважаны над нашай краінай. Тэма лятальных талерак з’яўляецца ў працах мастака на мурах….
…. і ў якасці жарту на сапраўдных дарожных знаках.
Згодна з паданнем індзейцаў Каяпо, якія да гэтага часу насяляюць тэррыторыю Бразіліі, сотні год таму ў племені іх продкаў жыў прышэлец, які дзяліўся з індзейцамі сваімі ведамі. Потым ён сыйшоў, але абяцаў вярнуцца.
А вось што мяркуе мастак пра пра Чэмпіянат свету па футболе:
Мне гэта выява нагадала малюнкі людзей каменнага стагоддзя. Яны верылі ў магію і лічілі, што з дапамогай выяў можна уздзельнічаць на вынік палявання. Напрыклад, трэба трапіць стралой ці кап’ём у намалёваннага звера каб забяспечыць поспех сапраўднага палявання.
Фатаздымкі прац узяты з уласнай старонкі мастака у Instagram @hyperaton.